PostHeaderIcon واحد وطن

ركن الثقافة - ثقافة

jpgواحد وطن .. ع الريحة ياابني وظبّطُه
واحد وطن .. بس اوعوا حد يلخبطوا ..
لو تعرفوا ..
على كتفه يللا اتشعبطوا ..
واللي سرق ..
واللى نهب ..
واللى افترا ..
كُرباج ورا ..
*************
واحد وطن ..ع الكرسي كان قاعد هنا
واحد وطن .. راح فين وسابنا لبعضنا
واحد وطن .. بالكلام يرجعلنا ..؟؟؟؟؟!!!!!
توفيق حكيم والريحاني والسنباطي ويحي حق
وياسين على باب الكوميديا بيدق دق
ونجيب محفوظ ع القهوة في زقاق المدق
كلهم بيلونوا ويرتبوا ..
ويقولوا .............. لأ
واحد وطن .. أُغنية نعرف سرَّّها
تكتبنا .. ونكتبها ..
ونرسم لحنها ..

- بنوتة سايبة شعرها
م السيدة للزمالك .. فاتحة حضنها
تدخل عيون الولد
وتشوف جنونه وعقله بيرتب حُسنها
من أسوان للقاهرة لبنت بحرها
المصرية .. الفرعونية .. بنت البلد-

واحد وطن ..
واحد وطن ..
واحد وطن .. ع الريحة ياابني وظبَّطه ..


حكيم عيووون