PostHeaderIcon فرافيش

ركن التسالي - تسالي

jpgازاي تعرف إنك بتتفرج على فيلم مصري ؟
-----------------
عندما يكون البطل مريض وتقدم لة البطلة حبة الدواء مع كوباية ماء وبعد ما يشربها وتسأله البطلة : ها ؟ عامل إية دلوقتي ؟ يرد عليها : الحمد لله بقيت أحسن .
(كدة بالسهولة دي هو واخد حبة البركة ولا ايه !!! )
------------------
عندما تفاجئ بأغنيه مالهاش أي 30 لازمة في نص الفيلم
---------------------
لما تسمع العبارة الساذجة الشهيرة اللى بتتقال فى مشهد القبض علي المجرم ( مفيش جريمة كاملة كنت فاكر إنك هتهرب من العدالة بعملتك دي ؟!! )
----------------------
عندما يجلس البطل والبطلة في نفس الكازينو بتاع كل فيلم اللي في وش ماسبيرو ويطلبوا نفس العصير اللي في كل الافلام ( حاجة ساقعة أو لمون ) ويخلص المشهد من غير ما حد يشرب حاجة علشان هيتصور بالمشاريب دى فيلم تاني
--------------------------
عندما يصاب البطل بطلق ناري في قلبه وتنزف الدماء منه ويفضل يتكلم بطلاقة وتركيز لمدة خمس دقائق و يفك لغز الفيلم والإعلان عن القاتل الحقيقي ويقول البطل يبقي ابن مين !
---------------------------
لما تسمع صرير احتكاك كاوتش العربيات اللي بتطارد بعض وتقريباً بتبقي عربيات 128 وماشية حوالي 30 كليو وعلى الرمل
----------------------------
لما تتناول الابنة الفطار وهيا واقفة وبتاخد لقم سريعة فتقولها الوالدة : ما تفطري يابنتي كويس . تقولها : لا علشان ألحق المحاضرة وتبوسها وتمشي فتنظر الوالدة الي الوالد ويبدآن في الدعاء
-------------------------------
عندما تغير حرب أكتوبر أخلاق كل المنحرفين .. الموظف المرتشي والحرامي والبلطجي والمجرم بطبعه
-------------------------------
عندما تجد مقر العصابة ملئ بالقش والبراميل الخشبية التي تستخدم بعد كده في الخناقة
---------------------------
جميع الطلبة يدرسون في كلية االهندسة ويحملون مسطرة حرف تي أو كلية الطب ويحملون بالطو أبيض
---------------------------------
لما المجرم يطلق على البطل خمسين رصاصة متجيش فيه ولا واحدة
--------------------------
عربيه 128 تلحق مرسيدس وتخبطها من ورا تقوم تلاقي المرسيدس انقلبت طب ازاي؟
--------------------------
المجرم يهرب من السجن وتلاقيه جوه عربية الزبالة والعسكري ييجي يفتش في كل حتة ما عدا المكان اللي قاعد فيه المجرم
---------------------------
عندما تسمع عبارة : سلم نفسك المكان محاصر
( ومفيش فايدة بيهرب برضه )
-----------------------------
وأخيرا إن كل البوابين اسمهم عبده ماتفهمش ليه ؟
-------------------------