PostHeaderIcon صاحب منتدى عصبي

ركن التسالي - تسالي

jpgبص يا بني أنت وهو لو كنت عايز تسجل في المنتدى أدي القوانين اقراها كويس عشان اللي مش هايلتزم بيها هايتوقف واللي هايلتزم بيها هايتوقف برضه


1- عضويتك تبقي باسم عربي

 

مش هأقرف نفسي أنا و أقعد أترجم و إلا هتتوقف


2-تشارك وأنت ساكت


3 - قسم الفرفشة والنكت تكتب تعليق و أنت ساكت و مش عاوز ضحك


4- قسم المسابقات تلعب من غير أي هزار


5- ماتقعدش فاتح المنتدى طول اليوم عشان متضغطش علي السيرفر

سيب فرصة لغيرك عشان يتنيل يدخل


6- قسم الشكاوي ماشوفش فيه موضوع واحد و إلا تتوقف والشكوى لغير الله مذلة

7- تخليك في حالك و متتكلمش مع حد من الأعضاء جوه المنتدى


8-ممنوع أي هزار أو تعارف أو تهنئة مش جايين نهزر هنا

 

9 - مفيش أقسام للأفلام الأجنبي علشان نشجع الفيلم العربي و الصناعة المحلية
10 - مفيش أقسام للأفلام العربي علشان دي مغرقة الدش اتفرج في التلفزيون يا خويا
11 - مفيش أقسام للأغاني الأجنبي علشان كلها رقع و خبط و أنا مش عايز دوشة ومش ناقص صداع

12 - مفيش أقسام للأغاني العربي علشان مزاجي كده

13- دخول المنتدى والخروج منه بمواعيد هي سايبة ولا إيه ؟

14 - ممنوع حد ينط لي من فوق الفاير وول لأني هجيبه هجيبه وهيتوقف .


15- قسم طلبات الأعضاء مش عاوز أشوف فيه كلمة وإلا هتتوقف
ما أنا مش خدام عندكو .

16- ممنوع كتابة أي موضوع أو عمل ردود من غير إذن مني ... ليه ؟ أهو رخامة وخلاص
و المعترض علي القوانين دي يخبط دماغه في الشاشة بتاعته .


ملحوظة:
سواء خالفت القوانين أو لأ فدي مش مشكلتي هتتوقف يعني هتتوقف !!!