PostHeaderIcon نكت

ركن التسالي - تسالي

jpg- واحد زمالكاوي خطب بنوتة سألها : هو أنت عيد ميلادك امتى يا حياتي ؟
قالت له : 6 / 1 يا حبيبي .... فك الخطوبة
***
- واحد بخيل قال لابنه : لو نجحت السنة دي هأوريك واحد بيشرب بيبسي
***
- واحد قال لصاحبه : نفسي أصطاد أرانب ومش عارف
قاله : سهلة جداً اقعد تحت الشجرة وقلد صوت الجزر .
***
- واحد بخيل كان بيموت نادى على أولاده : يا أحمد
قال له : أيوة يا بابا
قال : يا سعيد


قال له : تحت أمرك يا بابا
قال : يا جمال
قال له : كلنا هنا يا بابا
الراجل قال : كلكم هنا وسايبين نور الصالة منور يا أغبيا
***
- مرة واحد راح يوكل محامي
لقاه صايم
***
واحد عربيته كحيانة سابها قدام بيت مهجور
ليه ؟
عايزها تبقى عربية شبح !
***
واحد ماشي مع صاحبته قالت له قول لي حاجة تخلي قلبي يدق
قال لها : أبوكي ورانا
***
واحد غبي لقى كنز
قال : كويس فاضل الخريطة !
***
واحد اتصل بمراته وقال لها
سخني المية لحد ما آجي
صاحبه قال له : يااااااه ده أنت حمش قوي
قال له : طبعاً أمال أغسل الأطباق بمية ساقعة ؟
***
مرة إبرتين وقعوا على الأرض
واحدة رنت
والتانية بعتت كلمني شكراً
***
‏مرة واحد ابنه طلع من الأوائل .......... شفروه !
***
مسطول صدم شرطي بالعربية
راح اتصل ب 122 وقال لهم :
أحب أبلغكم إنكوا بقيتوا 121
***
مين أكتر واحد صبور في الدنيا ؟
واحد مستني إليسا قدام قناة إقرأ
***
واحد مسطول قطع رأس أخوه وهو نايم
وقعد يضحك ويقول : هايتجنن لما يصحى الصبح ومايلاقيهاش
***
فار سكران نام جنب قطة ميتة أول ما فاق قال :
أنا عارف نفسي لما بأسكر بأفتري !
***
مدرس إنجليزي سأل طالب سوداني وقال له :
دخّل كلمة has في جملة مفيدة .
قال له :
hasبي الله ونعم الوكيل !
***
واحد سرق مليون جنيه وشالهم في حفرة وكتب عليها :
مفيش فلوس هنا .
راح حمدان ابن عمه خد الفلوس من الحفرة وكتب عليها :
حمدان ما أخدش حاجة !
***
واحد بخيل حلم إنه بيوزع فلوس فلما صحي قال :
أبقى حمار لو نمت تاني .
***
رجل قام من النوم على صوت زعيق جامد جداً سأل الجيران :
هو فيه إيه ؟
قالوا له :
تصدق ! المية مسمومة .
مراته صحيت سألته :
فيه إيه ؟؟
قال لها :
بيقولوا المية هاتقطع .. اشربي ونامي !